一宿無話，道指升50點，油價89美元，英偉達股價下跌至163美元，比黃仁勳辭職時下跌了接近10美元，大約6%，現在黃仁勳辭職真相開始浮現出來，美國政府公開表示，冇講黃樂是中國間諜，黃仁勳亦冇講黃樂是小三，辭職是因為持股量太少，黃仁勳只是持有3.6 ％英偉達，稍有風吹草動，想唔辭職都唔得。
跑完5公里後去到會所，有住客話剛從美國回來，好彩早些上機，否則今日可能唔走得，美國飛機全境停止起飛，降落的可以繼續去到目的地，理由是電訊系統出現故障，唔係恐襲或者網絡攻擊，講梗係咁講，真係網絡攻擊都唔敢話俾人知，停飛真係好大件事，對上一次是2023年初，再對上一次是911，美國有咁多仇家，係唔係恐襲或者網絡攻擊，真的是很難講。
