地產博客
瀏覽人次:1431    回應:6
文亮言
買美國樓不如買英國樓
 
湯文亮博士
紀惠集團行政總裁
2019年11月13日

  有老友見香港社運愈來愈激烈,政府又沒有良策解決,唯有自己搵定後路,老友並不打算移民,而是打算買一間第二家園以及放多少現金在外面,佢已經在紐約曼克頓睇啱一層樓,知道我熟悉曼克頓,於是問一問我的意見,我話曼克頓的確是好地方,以前我會經常去住一頭半個月,但現在怕坐長途飛機,很久沒有去了,不過,如果在美國曼哈頓買樓,不如在英國倫敦買,老友不同意,他認為倫敦在脫歐之後,失去了世界金融中心地位,樓價一定會下跌,老友可能沒有留意,當英國宣布脫歐之後,倫敦樓價已經下跌了不少,如果計埋英鎊跌幅,現在買英國樓是有很大折讓,所以,在曼哈頓買不如在倫敦買樓,不過,這只是在英國買樓其中一個原因。


  現在不少在外地買樓的人主要原因是香港政局不穩,令到在香港物業隨時化為烏有,如果有這個心態就千祈唔好在美國買樓,因為美國剛剛在眾議院通過「香港人權及民主法案」,美國隨時可以沒收不合資格的香港人或者他們的直系親屬在美國的資產,包括現金,股票以及房地產等,老實說,一般香港人都唔會知有沒有觸犯這條法例,既然有此憂慮,點解仲要在美國買樓,而事實上美國在這條「香港人權及民主法案」未見其利,先見其害,其他國家以及地區,睇到以香港自由度排名以及能夠享受的人權,仍然會被美國視為犯規者而沒收他們在美國的財產,不但不會將資金存放在美國,以及在美國買樓,所以,民權法雖然在眾議院通過,但參議院仍未討論,而且排第238項,隨時等到特朗普的任期完結還未討論,可惜佩洛西不是生意人,見到有機會便急不及待長臂管治,誰不知此舉嚇怕了其他投資者,他們當中有不少不動聲色將資產搬離美國,今次真的是偷雞唔到蝕渣米,英國將會是民權法的受惠者,所以,無論以經濟或者以政治角度考慮,去美國買樓不如去英國買。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
3. 十一哥 2019-11-13 13:42:09
美帝佢喜歡就點都得…唔喜歡就扎起丟落印度洋、英癈而家衹能玩陰濕、笨7先會四圍7、搬去邊都係賭、始終生不如熟、勝負睇你買中莊定閒、磚頭為例、市况唔明朗…香港肯就下價…大把收買佬、第2度…守寡咁影都唔見隻問下㗎。

學下雀仔咁…買中莊閒…咪肥仔水囉!話時話…食得糊未 ?
吹到就傾得掂就兌現…風聲鶴唳就做收買佬、蓬拆拆…旋律就係咁簡單…雀仔啱嘛?
4. 鳥5 2019-11-13 14:18:19
未食糊喎looking緊喎。。。
5. 鳥5 2019-11-13 14:22:10
華為19號就聽證會 ,15號後就阿里 爸爸... 個零月後 香港人權香港人權法就美國要拍板... 等 下先啦
6. 鳥5 2019-11-13 14:23:20
得番隻阿里巴巴 ,好消息就prince in曬啦
7. 鳥5 2019-11-13 14:27:22
十一哥,根據呢幾年嘅大陸部署 劇本係今年年尾大陸 還拖被動轉主動.. 出年係大陸 又被動轉為主動。。。 編排啲劇本就咁個時間
8. 鳥5 2019-11-13 14:30:27
不過我留意到就而家美股同港股行嘅波幅係差唔多.. 相差唔到600點... 港股都係跟美股開.... 睇市場係咁派啲好消息 咁見咗頂就應該差唔多啦...