地產博客
瀏覽人次:3663    回應:34
文亮言
細價樓會不會急跌
 
湯文亮博士
紀惠集團行政總裁
2019年5月24日

  特朗普好似有心同香港所有樓市評論員開玩笑,當全部評論員轉軚之後,就突然宣布2000億美元中國進口至美國貨提高關稅,由10%至25%,繼而宣布制裁華為,這兩個突如其來決定無形中向全世界公布中美貿易戰進入白熱化階段,中美經濟一定會受到影響,香港是除中美之外,將會受到重創的地區,如無必要,現在最好忍下手唔好做一些大投資,買樓是其中之一,不過,若是沒有必要或者迫不得已,我認為又不用賣樓,尤其是自住單位,否則中美突然達成協議,樓價掉頭回升,賣樓的人就會損失慘重。

  在大環境不變,購買力減弱,中美貿易戰沒有突破性進展,在未來兩三個月,樓市將會下跌,由以細價樓為甚,豪宅將會在樓市下跌了一段時間之後才會下跌,理由很簡單,就是在過去幾個月細價樓急升,升得急跌得亦會急,豪宅升得慢跌得亦慢,如果情況持續一年以上,香港樓市將會受到嚴重傷害,現在來看,這似乎是無可避免的事,不過,大多數的評論員都唔夠膽講,理由是他們當中有不少剛剛轉了軚,本來是預測今年樓市先升後跌,但在一兩個月前見勢頭咁勁,又傳出中美將會在五月底簽訂貿易協議,大局已定,今年之內甚至連輕度回調都不會出現,於是就轉睇樓市整年都上升,如果現在再轉軚就會給其他人有一種很兒戲感覺,所以,大多數評論員都避免談及今年樓市走勢,甚至有人話樓價下跌,反而是買樓好時機。

  一般人只會聽到新樓盤熱賣,二手樓創新高,很少消息關於撻訂,據我的了解,今年至現在,新樓總銷售量大約有1萬個單位,有150個撻訂,超過一半是在最後2,000個售出單位,與此同時,新樓銷售量大幅下降,這表示打算買樓的人都提高了警覺性,那些剛撻訂的人短期內都不會再買樓,在購買力不足,如果二手樓業主加速賣樓,樓價就有機會急跌,現在唯一希望就是中美貿易談判取得進展,否則,兩國人民都會受到傷害,這是大家都不希望見到的事。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十一哥 2019-05-24 10:08:57
冇有擔心、正面睇係互相潑下冷水减泡退燒…爐火太旺要抽薪咁解、而家阿爺共美帝~冇哂泠/㩜炒嘅條件同必要、呢舖美帝蝕章D…惡很哂極矛嘅型象嚇怕好多、阿爺就唔覺意咁露些小好大底、當兩家大佬拍番膊頭模番酒杯底…而家搖旗班嘍囉就最蝕底。
2. 通漲殺到 2019-05-24 10:21:08
貿易戰下,中美及香港都有通漲压力。負利率,加上中美都會大印公仔紙,香港樓價可以跌得去邊?  明年香港通漲率有機會升穿5%。
以為Cash is king 班樓淡,一次又一次希望了。

3. 李澤西 2019-05-24 11:02:57
今時今日仲信中美會有協議的人只係無知!哈哈
4. 鳥5 2019-05-24 11:37:37
中產價格囉根本就係爆咗煲, 未來供過於求就係中價樓 ,發展商十幾年根本冇起過清水樓。。 何來有供應細價樓, 2 -3厘 收租收租未計 管理費業主回報 得兩厘.. 重災應該睇貨源... 新居屋 公屋 供應量睇, 供應比較遲... 事故中價樓 應該係瓜... 至於套房 其實呢一兩年 如果真係細心留意, 租金根本冇升。。。 中價樓 同細價樓 呎價逐漸拉平趨勢... 豪宅中價細價.. 只係同方向不同步. 結局一樣時間唔同
5. 鳥5 2019-05-24 11:42:29
二手業主 ,大規模出貨之時, 就係政府減 辣椒 之時。。 (早走唔使畀稅).... 情況同而家首置覺得自己平咗15個percent一樣。。。
6. 鳥5 2019-05-24 11:44:58
再下 覺得嚟緊嘅跌落 上年年終我都咁講 係屬於九七 加長版
7. 鳥5 2019-05-24 11:51:03
十一哥, 我都覺得共產黨會贏,不過係屬於慘勝。。 不過重另外一個角度睇, 協議後 其實阿爺, 只會 處理 債務提速, 所以資產。。 其實結局都係一樣。。 陣痛, 唔係美帝做, 就大陸自己再製造 ,真係唔想講得咁白
8. 鳥5 2019-05-24 11:55:20
國內經濟,政府開支 ,講緊幾十萬億 每邊.... 但係全國房屋貸款, 講緊係八百萬億。。 局內空置率兩成, 收租得一厘左右。。 不過有樣嘢好 家庭債務50 ,香港大概72。。。 人民幣國際化 如果進度好啲 勉勉強強 可以頂到工業革命4.0。。所以陣痛改革係必搞 特別喺房貸
9. 鳥5 2019-05-24 12:11:31
大陸 ,應對中美貿易戰嘅章法, 早響 抱川上任講緊301方案已經開始 部署測試 預案。。。  (美國K街 ,美國第二政府 讚寫對外 政策 報告)。。 共產黨 呢幾十年 每年 都會非常留意專心去睇 亦長期論證應對方法。。。 而美國K街呢個商業機構, 幕後老闆 ,絕大部分都係猶太人 ,咁樣講我諗你會明啦。。
10. 鳥5 2019-05-24 12:48:27
2F, 有冇諗過 美國通脹 其實 係加息。。。 聯儲局 貨幣政策係。。。 美國國內 價格穩定 就業最大化。。。 唔係香港 價格穩定就業最大化。。。 通脹 ,係一個因素 ,不過你搬咗香港 美國 係同一個國家。。。 抱川上任, 唔經唔覺 地球九萬億 美金 返咗未到 你有跡象顯示 外流。。。 就算地球大蕭條 抱川仲有一招 ,槓桿國內 搞基建 100 % made in USA 。。
11. 鳥5 2019-05-24 12:50:35
更正 九萬億美金返美國, 未有跡象顯示, 普川 想資金外流

12. 鳥5 2019-05-24 12:58:31
3F, 有協議 ,不過係三年前一樣, 美國佬簽就簽 ,就打到大家會签。。 協議就係邊談邊打, 唔係齋打唔談, 打極有得傾。。。
13. 鳥5 2019-05-24 13:04:19
如果美國GDP追5到通賬,就會發生 (滯 賬)。。唉! 總之未上車, 忍得就忍喇。。。。
14. 鳥6 2019-05-24 16:07:11
鳥5,美國佬欠債累累,侵侵明年想連任,不可能會加息,因為冇著數。相反,侵侵會迫美聯局減息,並可以出QE4,扺消貿易戰負面影響。

2008大家以為世界未日,香港樓巿末日,結果成為淡友未日。你沽貨沽得太早啦,後悔哩!😛


15. 鳥七 2019-05-24 16:09:29
6樓講得有道理
16. 侵侵明年想連任 2019-05-24 16:17:34
醉翁之意肯定不在嘔, 想連任不如在資本市場舞高弄低搵返幾十億, 搵夠淨番個爛殼連唔連任都唔關佢事。
17. 鳥6 2019-05-24 16:22:06
本港樓價已經基本上已經回到歷史高位,下半年爭持。今年應該難宊破200點高峰,大家要俾少少耐性。

今次華為及中興事件對中國是一劑苦藥,但就迫未來5至10年中國要全力以赴。宊破晶片技術難關,轉危為機。

香港樓市打不死的,不要旨意侵侵可以幫手解決土地短缺問題。
18. 鳥6 2019-05-24 16:34:45
美國下一步會封殺中資企業赴美上市,已經上咗市的也可能會被趕返來香港上市。港交所話多謝🙏。

貿易戰香港輸唔曬。
19. 跌跌跌 2019-05-24 19:15:49
樓價跌大家都想見

樂於其成
20. 鳥5 2019-05-24 21:02:59
李超又走貨,馬時亨持貨6年上星期走,行政成員走3個住宅物業加7個車位上個月。。點賭呀!以上 橫睇掂睇,唔似傻仔War..
21. 鳥5 2019-05-24 21:05:40
香港股市成交講到好多人出好多人入,講嚟講去都係760億咋喎.....跌到好旺咩?
22. 鳥5 2019-05-24 21:13:18
鳥6哥, 如果聯儲局比白宮夾唔到,一旦失去   (獨立性)。。。你知唔知會發生啲乜嘢事呀! 呢度有冇人可以解釋畀你聽? 聯儲局一旦市場認為佢哋失去(獨立性)會發生有幾咁大鑊。。。 美債係即刻爆煲
23. 鳥5 2019-05-24 21:15:25
鳥6哥, 你放過我啦 真係輸畀你
24. 鳥5 2019-05-24 21:45:22
鳥6哥, 道瓊斯指數 上年最低位 要21700 當時美債 係有12萬億 , 負收益率 即係話純避險, 月初中美味反枱 已經由8萬升到十萬億負收益率, 比特幣 係一種可以拎明嘅避險貨幣 未反枱 前兩日 已經急升 你知唔知出面打得好大鑊
25. 鳥5 2019-05-24 21:49:02
而家係兩個高手, 一個九陽神功 一個九陰白骨爪。。。 大家對秋 。。。你睇到嗰啲 ,只係兩個阿伯喺度喐手喐腳.. 鳥六哥,你放過我啦!我輸咗畀你㗎喇
26. 十郎 2019-05-24 21:50:34


      我唔係唔想幫你 , 不過佢對通漲跟利息嘅關係理解成咁樣 , 我無能為力。

27. 引刀一快 2019-05-24 21:58:38
鳥5兄

穩定就業最大化。。。 通脹 ,係一個因素 ,不過你搬咗香港 美國 係同一個國家。

精闢!
28. 引刀一快 2019-05-24 22:01:54
如果中國出嗮啲美債之後美債爆煲,咁就fit。
29. 十郎 2019-05-24 22:13:11


      你果對孖生兄弟親戚 , “ 屋漏 ” 同 “ 夜雨 ” , 好快來探望你。

30. 十郎 2019-05-24 22:23:59
  

      好多年前 ,我有一個英國的畢業生後輩 , 對佢老豆講 , 加息催谷經濟 , 減息壓抑通漲。佢兩仔爺拗到面紅耳赤 , 我作狀聽唔到 , 繼續飲茶。

31. 鳥5 2019-05-24 22:38:52
十哥, 佢已經贏咗, 我投降。。 希望可以息事寧人
32. 鳥5 2019-05-24 22:54:03
刀兄,阿爺玩美債玩到好叻㗎。。入得低古德高 ,仲有啲暗手響歐洲嗰邊匿名咁入, 沽場債 揸短債, 玩下 倒掛 ,佢又點會捨得掟曬出嚟呀! 沽曬咪冇得玩囉。。咁你明唔明。。
33. 鳥5 2019-05-24 22:57:30
刀兄,玩下沽長渣短,攪下 倒掛。。。 會唔會講得白得滯呢
34. 十一哥 2019-05-25 00:48:55
雀仔 攪下長長短短…倒掛成日玩…刀刀好熟手㗎…