地產博客
瀏覽人次:11670    回應:7
文亮言
做教授是否應該執著
 
湯文亮博士
紀惠集團行政總裁
2017年11月8日

  有大學教授因為碩士生不準時上課,不批准畢業,但被碩士生上訴得直,可以如期畢業,教授不服上訴,經過千日,上訴被終審法院駁回,他向記者申訴,慨嘆大學商品化,其實,我相信連做訪問的記者都覺得教授太執著,試問那位大學生未試過遲到,走堂,一般教授上課時亦不會點名,無謂浪費時間,總之,同學達到最低要求就可以畢業,如果同學因為遲到而不能夠畢業,在其他人眼中,教授的確太執著,不過,如果教授稍為改變遊戲規則,情況就不一樣。

  如果講執著,一定不會有人比我小學時的體育老師更加執著,我自小讀書成績中下,但在小六畢業時,我突然間考到全級最好成績,但我沒有以第一名畢業,不能夠代表同學多謝學校,因為我的體育只得59分,差一分才及格,而學校規定,前三名除了平均分要最高之外,還要全部及格,我體育欠了一分,不能夠以第一名畢業,校長班主任亦知道,這件事傳出後,他們將會受到很大壓力,但任憑他們怎樣說,體育老師始終不肯加分給我,結果校長要親自寫信給家母道歉,老實說,家母都唔知道發生什麼事,她發夢也發唔到我會考第一,所以並沒有追究,而教體育就是那位體育老師的終身職業,至今我還不明白,那一分是怎樣計算出來。

  今日非常執著的教授其實可以改變一下遊戲規則,在學期開始時對同學說,如果同學上堂準時,又不請假,就有分加,類似工廠的勤工獎,由於四位同學未能取得足夠分數,但又沒有勤工獎,不能夠畢業亦是正常,大學亦不能夠讓那幾位同學畢業,而現在,那幾位同學在學術成績是可以畢業,但因為遲到了幾堂,就不能夠畢業,上訴到天腳底,教授仍然會輸,不能夠說大學商業化,只能夠說教授太執著,不過,執著似乎是學者應有的風格。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 十一哥 2017-11-08 11:00:08
呢條教授夠期退休啦!鑽咗牛角尖…再教就會攪壞個腦、碩士點會講考勤㗎…初級教育咩?咁都要玩到去終審…更證明佢不稱職…唔理解大學自主嘅真諦、點解會做到教授…佢都要審視下自己有冇…古惑。

老湯家族果然有料、小學校長都要自動自覺…玩到…書面道歉、但呢個校長可敬…尊重體育老師决定…冇強制加分…寧願自己書面道歉、喺當年對老師咁寬容…唔容易㗎 !


2. LS 2017-11-08 11:21:59
我記得以前大學的教授同我地講, 作為大學生要有自學精神及學懂為自己行為負責, 若果同學覺得自己在圖書館自修比上佢堂更有用, please feel free to do so, 不過唔好唔合格時同佢求分.  
3. 畢業 2017-11-08 12:55:10
現在學制如點餐式計 credit, 夠 credit 就可讀畢某業, 簡稱畢業, 操行又唔計 credit, 叫學生做學生已經是先入為主的階級觀念, 要學生對老師畢恭畢敬, 真係要自己前世修返黎, 其實仲有乜好爭議?
4. 神外 2017-11-08 13:25:12
哈哈! 其實學生仔都要適應個別教授嘅怪鷄脾氣,否則手尾長;想當年,大學是小弟最快樂回味嘅時期。
5. 真真薯片 2017-11-08 13:48:28
在下見到既係好多阿伯教授都請美少女助教就真
6. To 4 2017-11-08 14:24:12
以前嘅世界係鼓勵大家醒目就住黎玩, 俱往矣。
8. 引刀一快 2017-11-08 23:11:58
學者嘅執著,應該係放喺治學態度,每日考勤做足嘅人,值得加分,走堂遲到缺席,根本唔係咩一回事。

如果咁嘅鶏毛蒜皮嘢都捉,引刀本科都畢唔到業,可能大三就要俾人踢出校。

話說回來,如果呢個學生係對學科態度好嘅話,老師唔會咁刁難佢嘅,碩士做嘢根本就冇規定時間嘅,加班開夜家常便飯,既然

冇規定嘅作息時間,點解加班冇奬而遲到要捉呢?