復甦是最困難的

　　今日大年初一，同大家拜個年，祝各位心想事成，萬事如意，身體健康。

　　龍年，無論是分析師或者玄學家都話不是一個好年份，但我有不同睇法，龍年是一個復甦年，一般來說，復甦是最困難的時候，因為投放的還未有回報，如果美聯儲局減息以及香港政府在政策上作出配合，龍年並不是太壞，而香港最大缺點是隱善揚惡，令到全世界都以為香港好差，但事實上香港是困難，但並不是太差。

　　今早我老婆同我講，見到夏蕙姨去上頭注香，唔記得幾時佢大大聲話移民，連家檔都賣走，乜原來已經回流，其實這絕對不出奇，不少離開的人已經回流，不過，他們離開時大大聲，回流時就唔出聲，見怪不怪。

　　美斯事件發酵，我亦不便評論，我早已撰文講過，事件到最後受到最大傷害就是美斯本人，以及圍繞他的人，在國家官方取消阿根廷國家隊訪問中國之後，估計美斯會失去中國市場，還有他代言的產品，即使不是中國品牌，同樣受到影響，有人話美斯大把錢，根本唔至在，美斯係有錢，但個人得失應該是國家之後，今次取消阿根廷國家隊訪問，並不是美斯的訪問，其實，大家都想唔到，美斯點解咁固執，因傷唔落場當然可以，但兩句歉意說話都唔講，咁就難明。

　　今日有很多人嚟拜年，要準備一下，再次祝大家龍精虎猛，虎虎生威。