茶餐廳亂話（1310）市值幾億的上市公司，有什麼好評論

　　今早去到茶餐廳，有客人話很少睇到評論股票文章，尤其是細價股，唔似得其他股票評論員，不但評論細價股，甚至細價樓都評論，簡單講一句，我睇嘢未夠通透。

　　老闆搭口話，市值幾億的上市公司有什麼好評論，即是唔會有食評家好認真評論兩餸飯，客人話，咁即是細價股冇市場，點解港交所批准那些細價股上市，港交所是否批准是另外一個問題，今日冇時間討論，而事實上那些細價股是有市場，例如上市公司主要業務是玩具，某些物料供應商會從訂購物料知道那一間上市公司的生意好唔好，我曾經買過一隻玩具股，買入股價是兩元，買入理由是我借了錢俾一個物料供應商，佢話接到一單大生意，可以即時還錢給我，我知道那一單大生意就是那一間玩具廠的訂單，之後將收到的款項連本帶息買了那間公司的股票，大約十年我以每股百元賣走，試問我又如何做評論，所以，我只評論形勢，不評論個別樓宇及股票。