茶餐廳手記（#1140）代理鍾意先鋤價，後賣樓

　　今日早上去到茶餐廳，有客人話今次真係頂住條氣，他有一個商業單位，有代理俾一個好低價錢，不斷游說佢賣，仲話如果唔賣，樓價只會愈來愈低，最後，他接受代理出價，隔了一段時間，代理話那個客人縮沙，不過，有另一位客人有興趣，只是價錢更低，客人話上一個價錢已經很難說服自己，再降價是不可能，最後交易告吹，客人唔明白頭一位買家點解會縮沙。

　　老闆話，很大可能根本沒有第一位買家，這是某些代理的慣用招數，他們在未有實在買家時，先虛構一位買家，向打算賣樓的業主鋤價，當鋤價成功之後，代理才去搵買家，由於價錢已經低過市價很多，不難搵一個實在買家，亦不排除有新買家仍然要價錢低一些，所以，物業代理仍然要鋤價，當然業主可以唔賣，不過，很多時業主被人鋤價之已經入哂局，減多5-10%都冇問題，老實說，現在是買家市場，很多業主被銀行追補差額，被人鋤價亦在所難免。不過，鋤價代理亦有風險，由於鋤價鋤得太低，很容易被另一位買家買走，代理收唔到佣金，只是為他人作嫁衣裳。