茶餐廳手記（#1133）最怕債仔無恥

　　今日早上去到茶餐廳，聽到有客人話近日很煩，有一個朋友幾年前問佢借錢同親戚打官司，之後年年都問佢借，客人由最初希望朋友可以還錢，到近日唔希望佢再借，但朋友話如果唔借，場官司一定輸，不但冇錢還，而且仲會家破人亡，仲叫客人慳啲使，留返的錢借俾佢。

　　老闆話，在茶餐廳不時聽到有客人商量，點樣問人借錢，如果那人冇錢就叫佢問其他人借，借到佢冇錢為止，所以，千祈唔好借第二筆錢俾人，否則就後患無窮，第一筆可以考慮，或者真係幫到人。

　　歐洲大動亂，起源是法國學生話校舍太舊，資源不足，點解會出現這個情況，就是歐洲國家將資源送給烏克蘭來對抗俄羅斯，已經接近五年，最近烏克蘭又問歐盟攞多700億歐元，在去年底，歐盟已經批了900億歐元，可以用到2027年底，那筆錢還有很多，現在又攞700億，真係無恥。

　　今次歐洲動亂，估計歐盟唔會繼續支持烏克蘭，結果是烏克蘭不得不與俄羅斯和談，盡快結束戰爭，因為歐洲各國真的是輸唔起，國民要節衣縮食，如果仲支持烏克蘭，最終搞到自己國家陷入危機，原來由歐洲人民出手，才可以制止俄烏戰爭。