報道潛在供應量有什麼作用

　　五．一假期前夕，中原指數155.2點，比上星期升了0.96%，而潛在供應量則下降，在未來三至四年，有10.1萬個單位，包括貨尾單位有2萬個，在興建未售出的有6.2萬個，未批出動工的有1.4萬個，總數是9.6萬個單位，但點解話潛在供應量有10.1萬個單位，兩個數字都唔夾，唔係幾明，不過冇所謂，政府做嘢，市民不需要明白。

　　有人問我報道潛在供應量有什麼作用，其實是有作用，在樓價上升，市民擔心買唔到樓，政府就攞潛在供應量出嚟，話俾大家聽，在未來三至四年，有大約10萬個單位供應，大家不用擔心買唔到樓，但當樓市下跌，政府仍然報道潛在供應量，就會令大家擔心太多供應，樓價會繼續下跌，會出售自己手上的單位，其實，講到明是潛在供應，地產商唔係蠢人，見到銷售不佳，就會拖慢起樓速度，上帝是有一隻無形的手調節潛在供應量，甚至令潛在變潛水，既然會潛水，報道潛在供應量又有什麼意思。