今早天陰陰，有少少雨，長假期第一日返工，茶餐廳很多客人，老闆話，近日確診數字下降，似乎快測有效，而事實上國內很多省市都用快測，所以近日確診的人比較多，但過一段時間，希望在兩個星期內，各地可以解封，否則就會落種落唔切，影響春耕就大件事。
在香港政府推出快測時，有專家話冇效，傳媒做過調查，有1/3不會做快測，其實，點會有人唔做快測，如果確診又唔想去隔離中心，可以唔上報，自己隔離就可以，但最低限度知道自己確診，不傳染俾家人及朋友，但如果去檢測中心做檢測，確認確診之後可能被直接送去隔離中心，又唔係咁多人想去，所以他們寧願不做檢測，現在證明快測有效，講冇效的專家當然唔記得有講過，不過政府不能太孤寒，在這關鍵時刻，應該大量派發檢測包，令負擔有困難的人可以經常做快測，千祈唔好唔行埋最後一步而功虧一簣。
