English
地產博客
瀏覽人次：17614    回應：9
敢說亮話

茶餐廳亂話（1280）普京繼任人會比普京更強悍

 

湯文亮博士

紀惠集團行政總裁
2022年3月27日

　　今早去到茶餐廳，有客人話拜登紆尊降貴，飛去歐洲同北約，歐盟，G7國家開會，結果當然是加大制裁，不過多數是講下，因為已經唔准俄羅斯用SWIFT ，沒收俄羅斯人財產，已經冇乜嘢可以做。

　　老闆話唔係，拜登叫普京去死，普京死後，換一個寡頭做總統，入埋北約，以後連立陶宛都可叫俄羅斯做靚，老闆此言差矣，如果未有俄烏衝突，普京繼任人或者會比較溫和，但現在就不同，俄羅斯領導階層以及普京知道，普京卸任後，北約會立刻東擴，所以，普京繼任人比普京強悍得多，隨時可以引起第三次世界大戰。
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論；
  2. 禁止以名稱/暱稱/綽號/同音字等批評或映射任何人士、機構、公司；
  3. 禁止發佈有關招聘、推銷、廣告等內容；
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。
回應者名稱
密碼
1. 十郎 2022-03-27 11:54:03


      繼任人立刻申請加入北約 ？此言當然差矣。

      俄羅斯曾經3次申請加入北約被拒 ， 某姐曾經提出過的。二戰結束之前 ， 有學者已經預告 ， 蘇聯是美國之外的強者 ， 可能會是歐洲的統治大佬 ， 要加以提防和將其孤立 ， 所以俄佬3次食檸檬。

      普京初時是反華親美的 ， 他上任初期討好美國和歐盟 ， 最好證明是普京對石油和飛機等武器售華 ， 並不積極。經過3次申請加入北約被拒後 ， 又處處受制於西人 ， 他仿然大悟俄羅斯不受西方歡迎而被杯葛 ， 繼而投向中國到現在。


2. 引刀一快 2022-03-27 13:38:50
普京嘅繼任者肯定比普京強硬，睇黑色九月就知，摩薩德殺一個，下一個接任人就更彪悍兇殘。

3. . 2022-03-27 17:29:40
北约有美國一日，都不會讓俄加入。一山不能藏二虎啊，美國一定要話事的。



4. 引刀一快 2022-03-28 02:37:34
搞笑，俄佬入北約為乜？抗美？
入北約咪就係防止中國坐大囉，撩歐洲佬一齊壓榨中國之嘛。

歐洲佬唔落疊，咁咪扶持印度打中國囉，背撐越南等佢唔使驚大陸囉，俾俄佬做歐洲老大，中國冇運行。
5. 自我陶醉 2022-03-28 05:59:41
引刀兄

俄佬要入北約原因可能同要加入聯合國安全理事會的理由一樣，美國唔准佢入北約，可能同想踢佢出聯合國和G20理由都一樣。

哈哈哈！

6. 引刀一快 2022-03-28 07:39:20


北約  
 
成員國行動計劃（英語：Enlargement of NATO#Membership Action Plan） 
 
獨立合作夥伴行動計劃 
 
和平夥伴關係計劃 
 
地中海對話（英語：Mediterranean Dialogue） 
 
伊斯坦堡合作計劃（英語：Istanbul Cooperation Initiative） 
 
全球合作夥伴 [顯示




自我陶醉兄

我同你睇嘅係一個事情，兩個角度。

俄佬雖然唔係北約正式member，但係遠比中國親，入北約，咪同美國同一個幫會，以後可以壓制中國一帶一路。

本來北約係為咗防俄佬而組織，俄佬加入去，正式係十一仔最興嘅口頭禪，揾交替。將世界敵對矛頭，一個乾坤大挪移，扭咗去對付中國，俄佬就甩身，到時俄佬可以左右逢源，一面笑瞇瞇對著西方國家，扮世界輔警，一面陰陰笑，對著中國扮故友，依家鞭撻你，留咗手㗎喇。

7. 自我陶醉 2022-03-28 08:28:34
引刀兄

我又唔係咁睇喎，俄佬要壓制中國使乜加入北約？ 

其實我哋一直都被壓制，我哋日日鬧日本鬧歐美，敢唔敢鬧俄？俄佬搶我哋嘅地幾百年，我哋敢出一聲要討回嗎？

8. 十郎 2022-03-28 11:48:19


      哈哈哈哈哈
9. 引刀一快 2022-03-28 12:47:31
自我陶醉兄

問題就喺呢度，中國形象一向比較溫和，別國只會擔心中國相關嘅經濟問題，俄佬要嘅係切換位置，中國成為眾矢之的，而佢就可以利用地緣，打壓你又得、揼心口又得，適時扶扶你，等你斯德哥爾摩下，又得。
俄佬不嬲恰開中國，入北約之後，佢就有空間搞其他國家一齊恰中國。


當然，呢個只係其一。