茶餐廳亂話（1271）制裁中國，美國將會被孤立

　　今早去到茶餐廳，有客人話習拜會冇乜結果，也無風雨也無晴，在開會之前，不少人認為拜登會同習主席講，如果中國唔制裁俄羅斯，就會制裁中國，但結果只是話如果中國幫助俄羅斯，就會有後果。

　　結果的確令到很多人掉了眼鏡，其實，習拜會好似捉棋一樣，要睇多兩三步棋，美國的確好想因為中國唔制裁俄羅斯而制裁中國，這才可以顯示出美國在全球的領導地位，不過，在制裁中國之前，就要問下其他國家會不會制裁中國，例如在亞洲地區，日本韓國會唔會，星架坡會唔會，如果那些國家唔會制裁中國，美國會不會制裁他們，如果美國唔會，就不能制裁中國，否則就會出現雙標，如果美國制裁那些唔願意制裁中國的國家，咁樣就實在太多，美國反而會被孤立，捉棋並不是睇棋盤，而是要睇多幾步，棋屎就是只識得睇棋盤的人，美國應該唔係。