今早去到茶餐廳，有客人話這個世界變了，有一個問佢借了錢的朋友，最近話唔還錢俾佢，理由是客人對伙記不好，在疫情下唔准work from home ，令到伙記確診，唔還錢是為了主持正義，並不是賴債，客人話朋友咁樣做仲成世界。
老闆話，世界變，女人食呂宋煙，佢朋友唔還錢是正常，基本上借了出去的錢很難收得返，不過，本來理由是勉強一些，但現在變得理直氣壯，原因是英國為了俄烏衝突，沒收俄羅斯人在英國的資產，當中包括俄羅斯人阿巴莫域治所擁有的車路士，不過，英國唔好咁開心，消息傳出之後，以後不但沒有資金流入英國，仲會有大量資金流走，長遠來說，英國的損失比俄羅斯更大，客人話明白，他會宣傳一下，不但以後冇人借錢比那位朋友，仲立即會被人追債。
