今早去到茶餐廳，有客人話，政府話已經有15％市民確診，究竟有冇咁多，如果有，是否好似政府所講，要等到3月中達到高峰，再橫行一段時間，確診數字才會回落，老實說，政府內部有咁多專家，但奉行九二共識，就是各有各講，都唔知信邊個。

　　老闆話佢夠膽講，確診數字不用等到三月中高峰後橫行一段時間才會回落，而是方艙醫院啓用，數字就會回落，現在有不少人見確診咁容易攞假，而且一攞14日，而且又冇人可以check 到，只要話在家隔離就可以，所以確診數字不斷上升，但當方艙有足夠容納量，確診的人要入住方艙醫院，有確診都唔會上報，寧願在家隔離，數字便會大幅回落，而且近日有咁多人打了針，亦令到確診數字回落。

　　第一間方艙醫院已經開始使用，可以容納幾千人方艙，據聞只得幾十人用，政府在昨日的疫情記者招待會都唔敢答，只是話唔知有幾多人入住方艙，而昨日確診人數大幅回落至37000，足足少了15000，是不是市民怕了入方艙而唔敢上報，而令到確診人數減少，我認為有此可能，希望確診數字急速回落，大家可以過正常生活。