English
地產博客
瀏覽人次：19310    回應：7
敢說亮話

茶餐廳亂話（1256）點解蓬佩奧到訪時大停電

 

湯文亮博士

紀惠集團行政總裁
2022年3月5日

　　今早去到茶餐廳，老闆問台灣客人，點解民進黨政府咁失禮，有貴賓嚟才大停電，台灣客人話，大停電是釜底抽薪之計，美國以及她的盟友當台灣係任攞唔嬲的櫃員機，近期除了買了三四十億美元二手F-16之外，立陶宛又攞了幾億，為了維持洪都拉斯邦交，又唔見了二三十億，仲未計要買萊豬，福島食物，大陸方面又收緊惠台政策，一來一回，有金山銀山都唔夠，而蓬佩奧到台灣，正是司馬昭之心 路人皆知，九成九是替美國軍火商做事，叫台灣買軍備，台灣政府唔好意思推，唯有大停電，希望蓬佩奧明白，黃台之瓜，何堪再摘，台灣已經冇錢搞基建，又何來有錢買軍火，台灣客人又講得幾中肯，不過，蓬佩奧出馬，蔡英文很難逃出手指罅，只是睇吓買幾多軍火。
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論；
  2. 禁止以名稱/暱稱/綽號/同音字等批評或映射任何人士、機構、公司；
  3. 禁止發佈有關招聘、推銷、廣告等內容；
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。
回應者名稱
密碼
1. 自我陶醉 2022-03-05 10:00:48
我哋叻好多，超英趕美，全球第一。
2. 引刀一快 2022-03-05 11:42:21
買就好喇，最怕台灣偷偷地自己整咋，運幾百隻骯髒彈去廈門非常容易。
3. 一元 2022-03-05 11:50:53
醉奴，

十一哥話人甲醇上腦，真有見識！

你吹了個多月“共存”論，現在又取笑共存结果！

说不是文宣西奴，都冇人信。
4. 2022 2022-03-05 12:27:12
兩隻5毛，日貼夜貼。
6. 自我陶醉 2022-03-05 14:29:59
豬頭半毛，邊個同你講疫情？ 我講緊香港電力可靠度世界第一得唔得？

噢！香港係幾時開始行“共存”制，點解冇人知嘅？ 莫非清零失控，就是你所謂的“共存”嗎？  

傻仔，唔識咩係“共存”咪虛心啲學下星加坡、丹麥囉，唔識清零，都可以學上海、台灣㗎！
8. 引刀一快 2022-03-05 15:11:36
自我陶醉兄

乜今次又咁唔識趣呀？你係一樓寫果幾句，人地以為你搶佢飯碗呀。
9. 自我陶醉 2022-03-05 15:19:09
引刀兄

博士話香港政府只能讚，不可彈，仲邊有人夠膽講。 

其實，美國首都華盛頓一樣會停電，大陸都唔例外，唔明有咩值得大驚小怪！無可否認，香港呢方面係全球之冠，實至名歸，也是事實。 人哋要對號入座我都冇辦法。 哈哈哈！