茶餐廳亂話（1236）韓國冬奧運動員輸了之後點解發爛渣

　　今早去到茶餐廳，有客人問韓國運動員點解咁冇風度，在冬奧輸了之後發脾氣，仲話要抵制中國，從來只有中國抵制韓國，韓國仔是不是輸到short咗，究竟是什麼原因。

　　大家睇冬奧以為是體育競技，其實，這是一盤大生意，玩冰上運動的人，大多數家境富裕，中國每年有不少人去韓國玩溜冰，但中國接辦冬奧之後，請了不少名教練來培育中國運動員，同時有不少新設施，令到去韓國玩冰上運動的中國人大減，不過，韓國的冰上運動員始終優於中國，如果今次中國在冬奧攞到好成績，未來去韓國日本，甚至美加歐洲玩溜冰的中國人會大幅減少，這關乎韓國冰上運動員的切身利益，所以，他們輸了之後有乜辦法唔發爛渣，換句話說，中國搞今屆冬奧，國人未來可以慳返很多支出，唔使辛辛苦苦將做代工廠賺到啲錢送了比人。