茶餐廳亂話（1325）點解陸羽也要暫停營業

　　今早去到茶餐廳，有客人話，香港大鑊了，陸羽也執笠，理論上陸羽有咁多有錢佬幫襯，又點會執笠。

　　老闆話客人搞錯，陸羽只是暫停營業，並非執笠，而暫停營業理由，就是連早茶都冇人幫襯，經常哂?，不如畀伙計休息一下。

　　其實唔只陸羽，中環不少名店亦經常哂?，幫襯那些名店的大多數是身驕肉貴富豪，他們並不知道其他客人有冇打疫苗，所以索性唔去飲茶食飯，現在要等到2月24日才實施疫苗通行證，所以，陸羽便暫停營業，最快等到2月24日重開，估計停業名店陸續有來。

　　有客人話，其實唔知點解飲食界要爭取在2月24日之後才需要用疫苗通行證，令到打了疫苗的人唔敢去，而夠膽去飲茶食飯的人大多數未打疫苗，飲食界棄長取短，為了爭取未打疫苗的客人而放棄打了疫苗的，真的是令人摸不著頭腦。