今早去到茶餐廳，有熟客請食早餐，因為有一批陳年舊債，欠債人主動還銭俾佢，咁開心，我一定戥佢高興，早餐就卻之不恭。
客人債仔走了之後，客人媽媽聲，佢話債仔的確是還債，不過借了三十萬，現在只還二萬二，仲要分一年還，我問客人債仔是否姓鮑，客人很奇怪問我點知，客人可能唔知道，美聯儲局鮑威爾也是一樣，發了三十萬億債，現在只買回二萬二，仲要分一年買，雖然買咁少，但持有美債的人仍然要對美聯儲局千多萬謝。
我同客人講，不是潑他冷水，他的債仔還了幾次之後又會再借，這是美聯儲局的技倆，客人話根據以往紀錄，他的債仔的確如此，否則就唔會去到三十萬咁多。
