今早去到茶餐廳，見到一個冇嚟一排客人，原來是去了捉Go灣，講起嚟就唔抵，客人曾經同一並不認識的確診者在一間酒樓食晚飯，唔知點解被歸納為緊密接觸者，有理冇理被送去捉Go灣，捱足21日才可以出嚟，第一件事就要到茶餐廳飲杯靚咖啡，坐疫監時飲得太多即冲咖啡，唔知道會不會生癌，老闆話大吉利是。
客人話佢以為打了針，就算是緊密接觸者都不用坐疫監，或者坐少一半，但原來沒有優惠，咁樣點會吸引到人打疫苗，這的確是一個漏洞，但政府寧願寧枉勿縱，有理冇理將緊密接觸者送入提Go灣，在某些人來說，他們不怕確診，最怕入捉Go灣，入捉Go灣才是中招，所以，現在有不少私人宴會，主人家都會要求參加者要打齊兩針，否則，萬一未打針的人確診，全部賓客入晒捉Go灣，就一定會被其他客人鬧到失暈，政府做事似乎慢幾拍，要到2月24日才要求打了第一針才可以進入餐廳，唔知是否想捉多一些人去捉Go灣。
