今早去到茶餐廳，發覺很少客人，但水吧很忙，老闆話客人唔敢到茶餐廳食早餐，寧願叫外賣或自取，大家都明白這是洪門夜宴惹的禍，因為就算唔同檯食飯，只要在同一間餐廳，只要有客人確診，都有機會被送去竹篙灣，這是防疫政策，亦是無可厚非。
老闆話，如果洪門夜宴在早幾日前發生，相信政府未必需要禁堂食，因為就算酒樓食肆開門，都冇人敢去幫襯，不過禁堂食都好，只要在這十四日內沒有源頭不明個案，估計政府會放寬部份限聚令，或者六點後有堂食，不過人數減半，說到底年尾流流，政府放大家一條生路，所以，這兩個星期，一般市民都會非常遵守政府抗疫政策，換句話說，洪門夜宴有助政府執行抗疫政策，高官犯聚，會不會是周瑜打黃蓋的苦肉計。
