今早去到茶餐廳，有生面口客人問老闆茶餐廳內是否全部已打針，老闆話一年前已經執行，所有客人已打針，否則寧願唔做他們生意，所以，今次政府谷針，對茶餐廳生意沒有影響。
有客人話，今次國泰搞到全城一鑊粥，不但唔可以開關，甚至要禁止堂食，回復家居隔離，據聞國泰主席及CEO被林鄭照肺，老實說，如果我是國泰CEO，一定會主動辭職，國泰攞了政府300多億援助，叫員工三日家居隔離都做唔到，既然冇辦法管理員工，唯有自己辭職，如果得過且過，下一次國泰又發生事，應該是林鄭辭職，不過，今次出事亦有好處，就是政府要求全香港人裝安心出行是正確，而且，順便可以谷針，當Omicron 出現時，我曾經撰文話Omicron 傳染力強，但殺傷力弱，不過，最緊要打針。
