今早去到茶餐廳，有客人話打算星期六在茶餐廳替小朋友搞一個月份聯合生日會，但現在可能要取消，因為其中一個有頭有臉家長話要杯葛生日會，只得小朋友到來，他就唔會嚟，客人覺得沒有家長睇住，他唔夠膽負責二十幾個小朋友的安全，取消是冇辦法中辦法。
老闆叫客人問清楚，會唔會好似美國外交杯葛冬奧一樣，雖然話美國官員唔會出席冬奧，但仍然有官員隨行，照顧美國運動員，昨日美國國務員發言人已經被記者問到口啞，客人的朋友話杯葛，會不會只是父母唔嚟，由家姐大哥，或者家務助理帶小朋友，老實說，做家長點會放心小朋友自己去，一定有人帶，客人話如果有人帶就可以，父母嚟唔嚟都冇所謂，又唔係佢做主角。
