今早去到茶餐廳，老闆話蕭若元在台灣被人質食屎，九成九都是在做YouTube 時得罪了人，好彩我冇做YouTuber，否則隨時會惹禍上身。
我話，好早之前已經有人搵我做YouTube ，我話唔做，理由很簡單，做YouTube 是沒有自主權，由俾錢睇的觀眾話事，他們想睇什麼，YouTuber就要講什麼，很容易會得罪人，甚至得罪中央及香港政府，不少YouTuber離開香港，理由是他們所講的太過激烈，甚至抵觸國安法，冇辦法唔走。
有客人問點解冇YouTuber講我，但負面評論就有咁多，老實說，那些寫負評的人全部都是用假名，而且一個人分身為幾十人，根本冇人理會，但在YouTube 講，明刀明槍，如果沒有足夠斤両，很容易被人打鑊金，我做得咁大生意，亦不是善男信女，寫下負評當然是冇問題，危險性很少，但用YouTube 講，講完之後恐怕有排驚，有YouTuber同我講，以往亦有聽眾誘導佢講我，甚至提供秘聞，但佢怎樣也不搭口，做YouTuber一旦被聽眾誘導，講他們想聽的說話，是非常危險。
