今早去到茶餐廳，有客人問我有冇買六合彩，我話已經冇買很多年，客人話我一定欠債很重，就算中咗獎都要還債，所以，我唔買六合彩。
客人其實想多了，我唔買理由，就是一次中秋金多寶，所有同事都買，獨資有，合股買亦有，於是我亦寫了幾個號碼叫清潔阿姨替我買，誰不知阿姨話我已經有錢，唔應該買，留返機會比有需要的人，自此之後，我再冇買六合彩，不過客人亦講得冇錯，有一些人做事做生意都唔起勁，原因是他們欠債太多，就算賺咗錢都要還債，所以寧願唔賺，如果借咗錢比那些人，不但要預咗冇得收返，仲希望他們唔好繼續再借，總之，一樣米養百樣人，但欠債還錢，最後心安理得都是自己。
