昨晚茶餐廳老闆大娘送了一份扣肉給我做晚餐，所以，我今早去到茶餐廳時，首先多謝大娘，老闆大娘問份燒白好唔好食，我雖然未食，但仍然話好食。
老闆大娘話有事請教，她手上有十多個住宅單位，近兩個月全部租出，而且不停有物業代理問有冇空置，她覺得在疫情下，這個情況是不是有多少反常，的確係，如果不是因為疫情而封關，相信租金升得仲勁，在辣招之下，大多數買樓的市民都是用作自住，能夠出租的樓宇愈來愈少，租金自然上升，解封之後租金升得仲勁，打算租樓的人就要留意，雖然有人話多了人買樓，租樓的人減少，租金應該下跌，這亦有道理，但並不是所有香港人都有能力買樓，冇能力就要租樓，通關後，初到貴境的國內人士亦不會立刻買樓，租務市場蓬勃，租金自然上升。
