今早去到茶餐廳，見到台灣客人愁眉苦臉。老闆話不用擔心，蔡同學在雙十節叫習主席小心擦鎗走火，估計習主席暫時唔會擦鎗，不擦鎗就不會走火，台灣客人話，蔡同學講到咁慷慨激昂，背後希望台灣人慷慨赴義，十萬青年十萬兵，多一些年輕人參軍，共產黨點都有些顧慮，現在問題是台灣政界明知中國政府隨時武統台灣，仍然唔叫年輕人參軍。
老闆話，台灣政府唔係唔想叫年輕人參軍，但明知叫都冇用，好似香港政府叫市民打針一樣，點叫都是冷冷清清，不如不叫，打針仲可以用抽獎谷針，上戰場會冇命，台灣年輕人很識計數，送樓都冇用，不如不叫，無謂自討沒趣。
沒有準備上戰場的新兵入伍，場仗未打都已經知道邊個贏，問題是台灣可以守得幾耐，其實台灣年輕人唔參軍是有道理，他們唔知道有幾多領導人持有美籍、日籍，甚至星架坡籍護照，他們不但不用上戰場，而且仲有退路，隨時可以叫人衝，自己鬆。
