茶餐廳亂話（1099）移了民就要融入當地社會

　　今早去到茶餐廳，發覺有幾個唔肯打針的客人在座，那些客人話，社區九成餐廳都要客人打針，否則寧願不做生意，冇辦法唯有打針，唔通搬去一些唔使打針的社區，既然住在這裡，就一定要融入當地社區。

　　老闆問我的Facebook 昨日是不是被封了，點解要封，的確是封了，至於點解要封，我也不明白，估計我寫得太多關於移民的問題，又話搵唔到工，又話要等五年才可以申請做移民，令到那些用BNO去英國的人非常不舒服，於是向Facebook 投訴，所以我被Facebook 禁了一日，我接受Facebook 裁決，所以，我唔會再寫移民的慘況，又唔會講五年之後，他們有機會被英國踢走，現在只想講，既然已經移民，應該盡心盡力融入當地社會，唔好掛住香港，留在香港的人會頂得住。