今早去到茶餐廳，有客人話子女準備結婚，今晚大家商量在婚後俾幾多家用，客人的子女入息唔錯，以往俾家用亦很爽手，但結婚後又唔同，曾經暗示在結婚後只俾往日一半家用，究竟是否合理，老闆問我意見。
我話，大家到了子女結婚的年紀，用錢方面比年輕時少很多，而且，一般來說都有多少積蓄，家母在我結婚時主動不收我俾開的家用，到我子女結婚時，亦主動唔收他們俾開的家用，主動是很重要，千祈唔好要子女話結婚後使費大了，可不可以唔俾家用。
客人亦有此打算，不過，他的太太就希望子女繼續俾家用，到子女有需要時再俾返他們，其實，不少子女寧願在外面借錢都唔會問父母攞錢，理由是唔想令父母擔心，既然收了家用打算日後俾返子女，不過趁子女結婚時話唔收家用，除非父母是等錢開飯，在茶餐廳裡的客人大多數是開明派，同意子女婚後不用俾家用佔大多數，那位客人最後多謝大家意見。
