茶餐廳亂話（1085）當然是為自己伙記著想

　　今早去到茶餐廳，有幾個人搵老闆，原來是一個熟客伙記，話他們的老闆非常刻薄，叫老闆唔好做佢生意，茶餐廳老闆呆了一呆，立刻表示，打開門口做生意，入得嚟都係客人，他冇權唔做任何人生意，不過，在疫情下，為了保障其他客人，未打疫苗者恕不招待。

　　幾個人話茶餐廳老闆冇吉士，好似澳洲，立陶宛，為了新疆人權，承認台灣，寧願得罪中國，唔同中國做生意，都要堅持立場，這才是有吉士，老闆話，世界大事，不是睇表面咁簡單，全世界都知道，兩國領導人只是奉命行事，不能夠話他們有吉士，而真正有吉士就是抗拒幕後老闆指使，繼續與中國做生意，因為，所有領導人都是為自己國民著想，點會犧牲自己國民去奉承其他人，做生意也是一樣，當然是為自己伙記著想，點會為其他人的伙記。