茶餐廳亂話（1082）塔利班應該俾想離開阿富汗的人離開

　　今早去到茶餐廳，有客人很奇怪，塔利班已經取得喀布爾控制權，點解容許美國人，歐洲人，甚至曾經幫過他們做嘢的人離開，令到機場大排長龍，應該扣押那些人做人質，慢慢同美國等歐美國家講數。

　　老闆話，正所謂棄我去者昨日之日不可留，留多一日都嫌多，早走早著，美國知道，塔利班唔會扣押歐美人士，幾時走都冇問題，但曾經幫過他做嘢的阿富汗人連家屬有幾十萬，這是燙手山芋，最好留返俾塔利班解決，歐美國家估計，一定會有很多人被處決，塔利班是恐怖份子這個名恐怕洗唔甩，而且如果安排那些人離開，對歐美國家是一個包袱，留低他們，實在是一石二鳥之計。

　　如果是二十年前，那些曾經幫過歐美國家的阿富汗人士一定走唔甩，但今時唔同往日，塔利班知道歐美國家詭計，不如讓那些阿富汗人離開，讓歐美國家照顧他們，而且，歐美國家唔敢唔收，突然間多了一百幾十萬難民，對於歐美國家亦是沉重壓力，而且，在塔利班眼中，那些都是瘀血，歐美國家肯承接就最好，而且又唔會俾歐美國家話塔利班清算不同政見人士，亦是一石二鳥之計。