今早去到茶餐廳，有做物業代理的客人話近期有很多做生意的老闆賣舖，茶餐廳老闆會不會考慮，他有客人有興趣，跟著發揮代理本色，叫老闆售後租回，揸多個錢傍身。
茶餐廳老闆話，現在賣舖的老闆，例如義順，羅富記，多數有幾間舖，在疫情封關下，賣一間救亡，亦無可厚非，
他只得一間舖，如果唔使交租，仲有多少微利，售後租回就一定要蝕本，做生意唔會長蝕，不出一年就會結業，十幾個伙記就會失業，所以，他是不會賣舖。
老實說，現在賣舖的都是好老闆，社運疫情超過兩年，現在仍未有跡象解封，做舖頭生意的老闆已經頂無可頂，首先是有幾間舖的老闆賣一兩間，如果情況未有改善，那些只得一個舖位的老闆亦要賣舖，不過，正如茶餐廳老闆所說，如果唔計租金，仲可以維持，售後租回就捱唔住，免得過都唔會賣舖。
物業代理話一雞死一雞鳴，就算那些只得一個舖位的老闆賣舖後結業，一定會有人頂上，老闆話理論上是如此，不過，大多數很快就會結業，經過幾手租客之後，才有一個站得住腳，要幾雞死才可以一雞鳴。
他只得一間舖，如果唔使交租，仲有多少微利，售後租回就一定要蝕本，做生意唔會長蝕，不出一年就會結業，十幾個伙記就會失業，所以，他是不會賣舖。