今早七點要去黃埔花園新城電台做節目，六點先去茶餐廳，老闆沖了一杯靚咖啡俾我，問我有冇睇昨日李慧詩單車比賽，佢睇到好緊張，唔記得李慧詩的單車賽叫什麼名，我話叫爭先賽，但如果李慧詩參加另一項單車比賽，應該仲緊張，我唔知叫什麼名字，但我認為應該叫恐後賽。
顧名思義，恐後賽就是落後的選手會被淘汰，這本來是叢林法則，弱者被淘汰，但最恐怖是十幾個選手，每一圈將落後的一個淘汰，唔好講比賽的選手，就算睇都很緊張，如果是爭先賽，知道十幾個圈之後才決出勝負，可以行開下，飲杯水，但恐後賽就不能，譬如李慧詩參加恐後賽，就一定唔會行開，而事實上，每一個圈都是心驚膽跳，老闆話，很多名校都是用恐後賽，每升一班，就會將成績最低的幾個人淘汰，即使他們的成績是合格有餘，都會被淘汰，到最後，能夠從名校畢業的都是精英中的精英。
