今早去到茶餐廳，有客人攞了兩份報紙的樓盤廣告，一份是今日，另一份是30年前，問老闆是否可以分辨得到，老闆話，幾乎完全一樣，真係分唔到，30年前的是樟木頭樓盤，今天的是多倫多樓盤，廣告排位佈局差不多全部一樣，30年沒有些少進步，的確令人奇怪。
最奇怪是外人當香港人是天之驕子，如果唔係都唔會在香港促銷樓盤，香港人反而覺得自己是地底泥，就算去其他地方做阿四都冇問題，最緊要離開香港。
其實，這兩個樓盤廣告反映了一個事實，就是香港人在這30年的生活質素沒有下跌，否則，現在根本沒有多餘錢買海外樓盤，所以英國政府開放BNO畀香港人，目的是希望港人買英國樓盤，刺激英國經濟，但這個算盤唔係打得幾響，移民去英國的香港人，有能力買樓的不多，就算有能力都唔會買，尤其是那些用LOTR的港人，所以，英國政府索性截停了LOTR，無謂浪費時間，老實說，政治同做生意都是一樣，冇著數就要斬纜，冇人情講。
