茶餐廳亂話（1052）點解香港樓價升得咁慢

　　今早去到茶餐廳，有客人話，有評論員表示香港樓市危危乎，即使在過去一段時間，低息環境持續，經濟亦不太差，樓價仍然升得很慢，當利息上升，經濟轉壞，香港樓價一定急速下跌，有樓的業主要小心。

　　 老闆話，雖然佢唔係地產評論員，但茶餐廳內臥虎藏龍，不時有精警的樓市評論，話樓市升得慢那位評論員根本唔知樓市升得慢理由，天南地北講一些模棱兩可的分析，其實，樓市升得慢最大理由就是有逆週期措施，借唔到錢買樓，樓價又點會升得快，雖然話800萬以下可以借九成，1000萬以下可以借八成，但只得一個自住單位，第二個單位五成都借唔到，估計評論員冇樓，唔了解逆週期措施防禦能力，在逆週期措施下，樓價仍然上升，代表樓市有巨大潛力，不能忽視，客人話茶餐廳所講的都是似是而非的說話，不能作真，唔接受現實，即是道不同不相為謀，講都嘥氣。