茶餐廳亂話（1051）狀元

　　今早去到茶餐廳，有客人請食早餐，因為他的兒子在DSE考得非常好成績，但沒有表示是否是狀元，這個唔重要，總之開心就可以。

　　客人話佢個仔一直在第二梯隊的學校讀書，雖然成績很好，但自覺相比名校仍然差了一截，但在兩年前社運後，名校的流失率很高，佢個仔被獵入名校，當時已經劏雞還神，想唔到DSE考到咁好成績，其實，名校之所以成為名校，就是要在中學最後兩三年補充優質學生，而名校的本校生，大多數家境不俗，當家長發覺自己個仔跟唔上，就會將他們轉去外國讀書，名校亦歡迎，因為騰出的學位可以給第二梯隊學校的優質學生，這個程序不但汰弱留強，而且仲可以吸納更多實力強勁的學生，所以，在第二，甚至在第三梯隊就讀的學生，應隨時有準備成為名校生，機會是留給有準備的人。