茶餐廳亂話（1043）業主最怕，老闆最怕

　　今早去到茶餐廳，有客人問老闆，做老闆是否最怕冇生意，老闆話本來就係，但現在有一件事比冇生意做慘，冇生意是自己做得唔好，可以不斷改進，或者會搵到一條新路，但如果職員參加反政府組織，甚至是金主，咁就大鑊，尤其是那些與國內做生意的老闆，就算國家不追究，但如果網民唔like，生意額亦隨時大跌，立刻表態已經是最基本要求。

　　客人又問，做業主最怕什麼，是不是租客不交租，老實說，做得業主，一定要預租客唔交租，唔交租租客願意搬離租用單位已經是好事，業主最怕租客在單位內發生自殺或者他殺，銀行會立刻降低貸款額，甚至要租客還清貸款，而事實上那些單位亦大幅減值，如果要賣走，可能連市價一半都賣唔到，所以，做老闆與業主除了憂買憂賣之外，仲要擔心自己的伙計與租客唔好做出一些激烈行為。