今早睇波睇到六點，意大利靠十二碼淘汰西班牙，睇完波茶餐廳老闆來電話已經開門營業，我瞓唔著可以去食個早餐，我見有得吹水，立刻去。
茶餐廳已經差不多滿座，大家都是比老闆電召，老闆話意大利贏波，大家開心下，有客人話，意大利仲要過一關才有錢收，其實唔係，如果鍾意，現在已經可以收錢，茶餐廳內大多數客人都是在一賠七的時候買意大利奪冠，如果擔心，不如分一半，即是3.5買決賽對手，估計賠率是1.1，倘若對手贏波，可以收到3.85，淨贏2.85，意大利奪冠就收7，減去買對手3.5，成本1之後，淨贏2.5，老闆問我會點做，過去兩屆世界杯及歐國杯，最頭痛都是到了決賽，唔知好唔好收錢先，不過，結果我都冇買決賽對手，相信今屆也不例外。
