今早去到茶餐廳，見到老闆在水吧工作，老闆話水吧安哥在大埔檢疫區居住，雖然安吧已打齊兩針疫苗，不過，為了安全起見，今日叫安哥放有薪假，仲話咖啡奶茶沖得唔好，大家多多包涵。
有客人話，等多70日，就會重整員工架構，大家不明白，原來客人公司有超過一半職員仍未接種疫苗，他已經下最後通牒，但反應仍是一般，於是他下定決心，在70日之後，當政府停止大部份接種中心運作之後，他就會解僱仍未打疫苗的職員，因為現在咁方便都唔打，以後都很難叫職員打疫苗，倒不如做得瀟灑一些，大家結束賓主關係，賠償一定好過勞工處要求，講起勞工處，大家都相信日後會有很多關於打疫苗的勞資糾紛，勞工處應該制定一套機制來解決問題。
