今早在茶餐廳碰到一個多年不見，而又欠我錢的朋友，他不但不打算還錢，還說當年若果我不是撐他，現在應該多很多錢，我唯有苦笑，一個「撐」字，令我錯足幾十年。
話說當日，一班朋友仔聚會，其中有一個打算買樓，問大家撐唔撐佢，在這個環境，冇人講唔撐，朋友買樓之後，樓價下跌，佢不但問我借錢供樓，仲埋怨我當日話撐佢，如果唔撐，佢就唔會買樓，我唯有替他供了幾個月，直到自己也很辛苦，才拒絕他，及後樓價回升，朋友亦多買了幾層樓，不但沒有還錢，還對別人說我害了他，至此之後，我見到個「撐」字就會產生恐懼，而事實上撐是一個無底深淵，如果沒有能力，就千祈唔好話撐人，不過說話回頭，因為我早早領略到撐的苦處，所以從不講撐人，如果有人問我撐唔撐佢，我會話力有不隸，恐怕有心無力。
老闆話條友痴線，估計佢以後唔會去茶餐廳，不過仲好，否則有乜頭暈身㷫，就會頼在茶餐廳的食物不潔。
