茶餐廳亂話（1015）點解咁少長者接種疫苗

　　今早去到茶餐廳，見水吧安哥休息，有客人話兩日假期的接種疫苗數量低於假期前，分別昨日有3萬，以及前日有4.2萬人，而假期前則超過5萬人，老闆話，今日水吧休息，都是去了打疫苗，而且不用請假，所以，打工仔唔會在假期去打疫苗，不過無論如何，就算每日3萬多，只要堅持3個月，就有300萬人，加上已打疫苗的180萬，有480萬人，差不多可以達到群體免疫的數字要求，現在最擔心的就是香港人只有三分鐘熱度，不用兩個星期又跌至不足一萬，咁樣就很難達到要求。

　　有客人話，唔知點解，安老院的接種率低，只得3%，講都冇人信，老闆話，這有兩個可能性，第一就是當時有不少名醫生表示，過了60歲去打疫苗是有一定危險性，而事實上香港因確診而死亡的200多人，絕大部份都超過60歲，其次是住安老院的老人，他們其實是客戶，如果死了，安老院就做少一單生意，所以，既然名醫生話有危險，安老院負責人就順水推舟，唔安排長者去打疫苗，所以接種率只得3%，名醫生昨日已經補鑊，話資訊有所差別，現在更正為長者打疫苗是沒有問題，茶餐廳內所有客人都噓了一聲。