地產博客
瀏覽人次:13125    回應:10
敢說亮話

茶餐廳亂話(1009)阿媽一叫,離家出走的孩子就會回家

 

湯文亮博士

紀惠集團行政總裁
2021年6月9日

  今早去到茶餐廳,見到一件很溫馨的事,就是兩母子正在食早餐,母慈子孝,很難想像孩子在幾日前離家出走,在彈盡糧絕情況下,阿媽叫佢回家,於是順水推舟,食完早餐就回家,阿媽仲拍心口擔保,老豆方面佢搞掂,叫阿仔不用擔心。

  香港有不少人以柴娃娃搞旅行心態流亡去了台灣,據路邊社消息透露,大大話話有4,5千人,現在唔敢返香港,唔知道有冇流亡人士做了白老鼠,幫台灣開發的新冠疫苗作第二期測試,估計那些流亡人士現在心慌慌,有辦法的好似影帝之流就早已回流香港,什麼香港冇自由民主的說話早已置諸腦後,人命關天,所以,香港政府現在應該伸出橄欖枝,幫助那些流亡台灣的人士回流香港,少少懲罰就免不了,總好過在台灣等死,林鄭也是阿媽,如果她的兒子離家出走,唔通真係一世唔見面,要打破這個僵局,一定要阿媽出手。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 活在當下 2021-06-09 09:19:07
等佢哋痛夠, 先好畀佢哋返嚟。 
如果唔係……返嚟之後又唔甘心,再搞事, 真係攞嚟搞。
4. 十一哥 2021-06-09 10:24:11
慣咗老奉…逆子扮着草…先至體驗到…離家就乜都冇得老奉嘅、逆子易教…易子而教…

5. 望東樓 2021-06-09 11:54:03
道不同不相為謀。如果再加埋困獸鬥更加會暴亂重演。雖然English菜同波叔與其他政客一樣都係無好心,但提供咗畀各方面更好嘅機會/希望亦可以視為德政。
起碼相信香港未來嘅後生一代會因為少咗競爭而有更佳/快嘅發展空間。走咗嘅如果生活得更好當然要恭喜佢哋。但好抑或唔好需要有足夠沉澱先可以體現(更大機會係有得、有失:凡事都有代價,好與唔好視乎閣下價值觀)。咁短時間顯現嘅最大機會係激情退卻。
6. C叔 2021-06-09 12:52:15
先回來啃老,啃完再講。

7. 引刀一快 2021-06-10 03:35:19
父母喺大灣區買間大屋俾佢地,或者淨係俾首期,等佢地改善一下生活質量,人生多咗希望,就好大機會返嚟㗎嘞。
8. 十一哥 2021-06-10 10:08:13
刀刀 當年被北送嘅原因?
9. 引刀一快 2021-06-11 05:48:47
十一仔,咪酸人喇。
10. 引刀一快 2021-06-11 05:59:22
東樓兄

“走咗嘅如果生活得更好當然要恭喜佢哋。但好抑或唔好需要有足夠沉澱先可以體現(更大機會係有得、有失”

可能叫必然好啲,人就係應該趁有魄力嘅時候歷練多啲,我當年返大陸讀書,周邊好多O嗮嘴,不過我冇丁點動搖,依家對當時嘅決定,覺得係執到。


12. 望東樓 2021-06-11 12:42:13
小刀,

相信內地係當今世上少數可以(相對上)仲有大把機會俾千禧代爆發嘅大經濟體(中小型嘅係孟加拉),完全理解日本千禧代係經濟高增長後失速之下無奈接納以小、確、幸為人生目標,但聽到話內地都竟然有人要躺平就真係震撼。不過你訓身大灣輸面好細。
世事難料,有時跟大隊(做大媽)發過猪頭,比方買BITCOIN,買FAANG;但好多時亦死得好慘。例就不舉啦,無謂引起個別人士慘痛回憶。
14. 引刀一快 2021-06-12 02:54:53
東樓兄

我估躺平係部分住一二線城市嘅年青人嘅一種控訴態度啫,亦係因為底層社會福利相對穩定咗,先有人咁諗,我前幾年不知幾怕經濟下行啲窮人會出現人道危機,依家睇嚟可以稍稍放心。
買大灣區又唔想死得好慘的話,只要睇住性價比嚟買,蝕嗮都唔使死,剛剛有個朋友,前幾日發恆大高明嘅樓盤,十二棟毛坯一次推出嚟,400蚊呎。剛剛又係恆大,佛岡400蚊呎帶裝修,買一千呎先幾十萬,兩千呎仲係幾十萬,蝕嗮都有間大屋住吖。