今早去到茶餐廳，見到一個平日填紙仔，點都唔肯用安心出行的台灣客人，今日不但用安心出行，而且仲話自己打了疫苗，台灣客人知道大家都會覺得奇怪，於是自我解釋。
原來當香港推出安心出行時，他收到不少台灣朋友電話，叫他千祈唔好裝安心出行，這是土共的奸計，用來收集香港人的資料，至於打疫苗，更加唔好，新冠病毒比流感還弱，打疫苗比唔打更加危險，不過，台灣客人昨晚又收到不少台灣朋友電話，有人話台灣政府點解唔推出安心出行，如果有安心出行，今次在萬華區爆發的疫情可以追尋，有機會制止疫情大爆發，亦有朋友話到香港打疫苗，即使要隔離21日亦無所謂，因為台灣只得70萬劑疫苗，夠醫護就唔夠紀律部隊，平民百姓當然冇份，台灣客人話聽到朋友這樣說，連問他們今日的我打倒昨日的我都費事，立刻裝安心出行，仲打埋疫苗，仲叫其他客人，趁現在人少少，快d去打疫苗。
