地產博客
瀏覽人次:10955    回應:18
敢說亮話
茶餐廳亂話(699)富二代唔好借貴利
 
湯文亮博士
紀惠集團行政總裁
2020年5月21日

  今早去到茶餐廳,見到有一個富貴人家熟客同幾個做財仔的人在一起,原因是那位老哥的兒子問了財仔借錢,沒有抵押,利息很高。當時富二代以為是他的面子,在沒有抵押品擔保可以借咁多錢,當富二代到期唔還錢,財仔都費事搵佢,直接叫佢老竇還錢,一毫子都冇得減。富貴老竇亦知道這個殘酷事實,在茶餐廳老闆見證之下將整筆貸款還了給財仔。其實,富二代問外面借錢就最蠢,如果冇錢還,財仔必定搵佢父母找數。如果真的是要錢用,不如直接問父母。

  問父母,講就容易做就難。海洋公園問財務機構無抵押借了30多億,唔使問阿貴,利息一定貴。現在海洋公園冇錢還,政府最後又要孭了這條數,點解唔一早問政府申請撥款?現在申請撥款原來是還債,海洋公園管理層唔好害這個弱勢政府。今次就算夾梗在立法會通過,以後就會成為一個永不消失的創傷,對手可以任意蹂躪,香港的公營機構就是富二代,借錢唔還最後都是由政府埋單。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 大耳窿 2020-05-21 09:16:53
原來海洋公園借咗財仔錢
炒哂班管理人啦
話時話,其實有冇30厘?😅
2. 飛豹 2020-05-21 09:55:59
只要修改條例,容許在園內開設賭場,唔單止立即翻生,仲肯定年年有錢賺。當前急務就係睇有冇咁嘅魄力,立即去做,唔好再拖拖拉拉。
3. zzzz 2020-05-21 10:15:44
原來不是謀發展,而是先叫政府還清欠債連貴息,再自生自滅。

4. 唔使問阿貴 2020-05-21 10:53:28
梗係問阿孔,人哋咩出身㗎?唔去做無抵押貸款走去問政府,咁忘本有冇搞錯啊?
5. 無抵押貸款 2020-05-21 11:57:02
會唔會係主席問盤谷銀行借錢呀,唔爆煲咪一家便宜兩家著囉,而家……
6. Stephen Wong日本 2020-05-21 11:57:20
政客李光耀係早年夠話唔起賭場啦!晚年時新加坡經濟唔掂,硬著頭皮開賭。日本人口老化,經濟實在不行,開賭場已順便完成。如果唔係有一個以前香港人睇唔起嘅細佬,香港開賭已是箭在弦上。
7. 元朗真香港人 2020-05-21 12:26:13
54億的心肺復蘇!

不如倒閉,省回30億財仔。回來可是90億!
8. 小小書僮 2020-05-21 12:31:53
點解唔一早問政府申請撥款?
錢係盛智文掌權時代借,更是大陸旅客開始不斷增加時借入。咁好景梗係唔使問阿公攞,一來錢容易賺。二來問阿公又要經立法會,到時肯定麻煩。三來即使出現問題,都係幾年後的事,一時風光係自己。
9. 硬著頭皮 2020-05-21 13:43:57
其實都唔是哩個問題, 你諗吓聖淘沙好玩定南朗山好玩? 新加坡有多過一個主題公園, 有多過公園哩一樣野吸引遊人, 點解係哩度搞到一鑊粥?
10. Fisherman 2020-05-21 14:01:29
財仔最鐘意借錢俾公僕,貪佢地就算冇得還,都走唔甩。
11. 財仔最鐘意借錢俾公僕 2020-05-21 15:31:14
但係點樣氹到公僕去同財仔借?
12. Fisherman 2020-05-21 16:36:07
好多公僕因為有鐵飯碗,唔駛憂,經常駛大左,又唔可以問其他人借,因為有機會 飲咖啡,財仔又易話為。
13. 引刀一快 2020-05-21 16:52:01
不如將海洋公園賣咗俾長隆經營喇,呢個係趨勢。

香港人上大灣區買屋,大陸資金買香港產業,然後?咪融合囉。
14. 十一哥 2020-05-21 21:57:57
枕住嗌大灣買樓、似足落咗水…揾交替咁、有古怪 !
15. 引刀一快 2020-05-22 01:32:05
有古怪,有古怪。

冇回鄉證冇得買,有古怪......
16. 知進退,知足常樂 2020-05-23 08:15:58
真的好懷念當年港同盟有司徒華的時代,起碼進退有據,同中央能保持適當距離又不會令中央感到受威脅,一直堅持和平抗爭,一有暴力抗爭會出來一起同建制派遣責暴力不認同不支持,有反對但不會讓立法會停擺,做事有底線,又不失立場,原則也需聰明地行使,不要碰到國家分裂底線!

唉,可借現在的民主黨人個個要出位,要做show, 不知什麼時候居然同本土港獨分子,分烈國家人物結盟,作奸犯科,天真又傻到以為可以要脅大陸並與暴力分子為伍,為他們謢航及公開支援,更後來用實際行動支持,多次干擾立法會工作,最終逼令中央出手全面整頓。

民主黨人千古罪人

普選行政長官拒絕袋住先,不懂妥協,不懂以退為進,缺乏知慧,沒有遠見,甚似香港年青人什麼都要一步到位,能買樓的時候就挑剔要買三房正市區中心一樣,不明白萬丈高樓從地起的道理。

中國的富強也要經過四十年十幾億人艱苦努力才有今天的世界第二經濟體,港人心頭高,慣了什麼都受優待,年青人對國情不了解,已到無知地步,十分可憐,多得教掍多年來企圖去中國化!
17. To 16F 2020-05-23 13:09:12
你鬧民主黨鬧得岩。不過你仲漏佐一個關鍵人物:填不儘。填大少先至係香港的千古罪人,或者應該叫做千古蠢人。2003年掃把頭版本的23條,其實係好溫和。既可以令北京安心,也可以令香港的反對派知道條底線係邊。唔知條界係邊,點知進退?反對派踩出界止係時間問題。

填大少代表工商界,而香港的工商界太短視,止睇眼前,錯失03年通過23條立法的機會。可惜可惜可惜。今次人大常委的安全法版本,細節係點未知,但人大已經授權人大常委代香港立法,無論最終出來的版本係咩,香港本地立法權已經被削弱。

香港有今日,必须要多謝----千古蠢人填大笑。
18. 亞Q 2020-05-23 14:43:41
剛剛去了賣鹹鴨蛋個位大哥係可以阻止佢 ?