今日早上去到茶餐廳，見到一個穆斯林客人在座，老闆問點解成個月唔嚟，係咪返咗新加坡，客人話係有幾日返咗新加坡，但唔嚟原因是Ramadan齋月，日出後唔可以食嘢，要等到日落，有一件事不得不說，新加坡真係比香港叻好多，不但準備派一千坡元，而且仲有百億坡元盈餘，睇返香港，不但有幾百億港元赤字，而且仲派條毛。
老闆有少少㷫話，又唔可以咁講，新加坡派錢之後，跟著就會宣布加銷售稅，現在是9%，很快就會加多1%，
幾個月就可以攞返一千元，新加坡人真係做咗老襯都唔知。
客人話最低限度，新加坡冇關稅，其實客人唔知道，銷售稅也是關稅，新加坡是一個沒有資源，根本冇可能開徵關稅，所以開徵銷售稅，關稅是以入口價開徵，而銷售稅是以零售價開徵，10%銷售稅，隨時多過20%關稅，而且銷售稅包括人工，租金，水電等固定開支，做生意的人支出大了，商品價格就要提高，那些本來從關稅抽唔到的稅，最後亦不能幸免，10%銷售稅其實是很高，當經濟增長未能保持，市民搵唔到咁多錢就唔敢消費，冇人消費，經濟難有起色，這是唐英年解釋當日唔開徵銷售稅的原因。
很多人唔明白，香港展銷行業做得咁好，新加坡配套齊全，要贏香港很容易，但點解香港可以在展銷行業拋離，是否新加坡政府放水，當然唔係，二十幾年前，新加坡都做得很好，但自從開徵GST之後，展銷行業便一落千丈，試問邊到會有大手買家在展銷期間買貨願意付銷售稅。
幾個月就可以攞返一千元，新加坡人真係做咗老襯都唔知。