茶餐廳手記（#759）北車南下才可以令香港重現夜繽紛

　　今日早上去到茶餐廳，有客人話在週末時去亞洲排名第56餐廳食飯，座無虛席，的確名不虛傳，但市面又的確不太熱鬧，不少食肆以及消費場嗌哂救命， 究竟點樣才可以令香港重現夜繽紛？

   　　老闆話，茶餐廳在週末的時間亦很靜，主要是有不少港人揸車北上消費，能夠揸車北自由行，大多數是有能力消費者，市面上少了30、40萬個有能力消費者，想唔靜都唔得，不少餐廳都非常閉翳，現在唯有希望政府出招打擊。

   　　正所謂來而不往，非禮也，既然有咁多港人揸車北上消費，香港政府應該放寬北車南下，根本唔會令香港交通擠塞，有不少有錢的國內人，希望週末來港消費，例如在廣州的一家人，如果他們聘用香港七人車連司機，一日費用超過一萬元，港車七點就要出車，九點到達廣州，十一點到香港，晚上九點回程，十一點到廣州，司機一點才回到香港，咁大陣象只得十個小時，浪費太多時間，港車北上接客即使好貴，但都唔係賺好多。

   　　但如果北車可以南下，廣州一家人可以九點出發，十一點到港，晚上十點回程，在香港可以食足兩餐兼購物，費用大約三、四千元，所以，政府應考慮讓北車南下，填補北上汽車的空缺。