茶餐廳手記（#757）政府應考慮暫停賣地

　　今早去到茶餐廳，見到有不少街客等新鮮蛋撻出爐，老闆叫客人不用等，因為今早廚房唔覺意焗多咗兩底蛋撻，早上唔會有新鮮蛋撻出爐，那些正在排隊的客人有部分離開，但大多數都會買現有蛋撻。

　　有不少人問我政府是否應該停止賣地，本來我不贊成，但現在改變想法，政府如果不想打殘樓市，打殘經濟，就應該考慮暫停賣地。雖然有人話政府今年只推出8幅土地，與停止賣地沒有分別，老實說，是有分別的，由於大部分地產商都正在積極去庫存，唔會積極出價，即使因應政府要求，出價都只是聊表心意而已，地價唔好，樓價唔會升，對樓市不但沒有幫助，甚至影響市民對樓市信心，所以我認為政府應該考慮暫行賣地2-3年，等樓價回穩才開始賣地。否則，就會出現政府打冧樓市現象。

　　有人話，政府唔賣地，豈不是幫助地產霸權，又唔能夠咁樣講，當日樓價飆升，政府推出辣招壓抑樓市，今日樓價下跌，政府暫行賣地亦是正確做法。老實說，無論政府點樣做，都一定有聲音話政府做得唔好，既然點樣做都錯，倒不如問心無愧就可以。