昨日早上去到茶餐廳，竟然見到人排隊，於是恭喜老闆大賺特賺，老闆話荷包兜肚，兜肚荷包而已，堂食客人多了，但叫外賣的人減少，現在等位有不少是平日叫外賣的人，他們話一係自己煎隻蛋，煮碗麵，一係嚟茶餐廳食，乾手淨腳。
戶戶送退出香港市場，很多人認為是因應Keeta用銀彈搶客，我認為這只是原因之一，主要是外賣市場萎縮，
根本不能承受三間外賣公司，用銀彈搶客，隨時都會賠了夫人又折兵，當Keeta取消優惠，搶到的客人也不會幫襯，他們並不是幫襯另一間外賣公司，而是索性去餐廳食飯，又平啲，又好味啲。
如果不是有優惠，外賣貴堂食很多，香港是一個城市，很多社區的煙火味很重，要食餐飯是很容易，如果很忙，或者行唔開，叫外賣是無可厚非，但如果餐餐食外賣，比餐餐去餐廳食飯還要貴，稍為識計數的人都唔會餐餐叫外賣，最多只是自己太忙才會叫外賣，如果得閒就寧願去餐廳食。
外賣相比在餐廳食，有六七成水準已經唔錯，當那些經常叫外賣偶然去餐廳食飯，就會發覺兩者味道相距甚遠，就會質疑自己點解要俾多啲錢，食味道比較差的食物，久而久之，就會減少外賣次數，轉而幫襯餐廳，香港餐飲業最缺乏那班人中低檔消費者，反而高檔餐廳影響不大，叫外賣很少會叫鮑魚燕窩，蒸條魚，由於叫外賣的人減少，戶戶送是敗於市場而非Keeta。
根本不能承受三間外賣公司，用銀彈搶客，隨時都會賠了夫人又折兵，當Keeta取消優惠，搶到的客人也不會幫襯，他們並不是幫襯另一間外賣公司，而是索性去餐廳食飯，又平啲，又好味啲。