茶餐廳手記（#629）股市上升，回應也減少了

　　今早去到茶餐廳，聽到有客人問老闆，這幾日股市大幅回升，生意一定好好，老闆話，好鬼好馬，早餐冇問題，下午茶減少一半，原因是去食下午茶大多數是睇淡股市樓市的人，股市大升，即是他們大敗，梗係唔去戰場，搵過另一間茶餐廳吹水，到了那邊，可能做返大好友。

　　老闆說得極對，股市上升，連我的回應也減少了，雖然仍然有人話股市上升，並不代表經濟環境好，這只是死雞撐飯蓋，其實，股市上升只是小菜一碟，嚟緊樓市將會上升，甚至大升，而事實上地產商已經冇投地兩年，未來一年亦不會投地，很快就會消耗庫存，地產商在樓市唔好的時候蝕錢都要賣樓，供應不足，地產商就會加價，大家唔可以怪他們，叫他們做地產霸權，更加唔能夠叫政府出招打壓樓市，有平樓的時候唔買，甚至連自住單位也賣走，冇可能見樓價上升就叫政府出招，總之，賣了自住單位的人有排驚。