茶餐廳手記（#548）替別人簽私人擔保反而被人鬧

　　今早去茶餐廳，見到一個客人愁容滿面，覺得很奇怪，大家都知道客人已經退休，在社區有十幾個單位，幾個舖位收租，而且全部租哂，每月收過百萬租，又冇欠銀行錢，就算銀行call loan，都唔關佢事，發愁應該同錢冇關。

　　大家都錯哂，客人話今次大鑊了，佢雖然冇借銀行錢，但替了一個親戚簽私人擔保，那位親戚過時過節都會送一些禮物，每年又送一個包包俾佢老婆，搞到佢老婆叫客人替親戚簽私人擔保，仲話舉手之勞，現在親戚冇錢還，銀行追佢數，俾兩個月時間佢去賣樓，否則就沒收他的物業，由銀行代勞，客人計過條數，今次起碼要賣一半物業才足夠清還銀行條數，想唔煩都唔得。

 　　客人問親戚點解搞成咁，反而俾親戚鬧佢，仲話如果唔係佢簽私人擔保，在疫情時就執笠，唔使欠落一身債，雖然銀行有客人擔保，但仲有很多街數，今次一定要遠走他鄉，客人真係無話可說。