茶餐廳手記（#472）明知老公包二奶都唔敢踢竇

　　今早去到茶餐廳，見到幾個大媽客人勸另一個大媽，食完早餐之後去踢竇，因為大媽老公在社區收了一個二奶，昨晚又冇返屋企瞓，早上去踢竇一定人贓並獲，大媽們很興奮，包括那個老公有二奶的大媽。

　　老闆識得那個包二奶老公，於是同大媽講，去踢竇小心冇咗個老公，如果佢老公以後名正言順帶二奶出嚟，大媽會不會離婚，大媽話一定唔會，老闆話既然唔會，不如唔好去踢竇，知知為不知就最好，食完早餐去街市買條魚，買幾両蝦，今晚等老公食飯，好過現在去踢竇。

　　有人話布林肯去中國是通知習主席，因為中國同俄羅斯有軍援交易，準備切斷中國SWIFT ，中國現在震過貓王，其實，無論有冇軍援交易，美國都唔會切斷中國SWIFT ，難道美國唔驚，中國立刻武統台灣，政治嘅嘢，同大媽一樣，俾老公知道佢有二奶，但唔會踢爆，等佢收儉一下就算。