茶餐廳手記（#421）成交量要多，才對得住政府撤辣

　　今早去到茶餐廳，見到老闆推銷蛋撻，即使客人叫了早餐，老闆仍然叫客人攞多一個蛋撻，這個情況好少出現，有客人問老闆點解咁積極，老闆話冇辦法，佢昨晚叫廚房整多幾盤蛋撻，如果以平時速度，一定賣唔哂，唯有落力啲叫客人要多一個蛋撻，唔收錢都冇所謂，費事阿媽嚟到見到仲有咁多蛋撻未賣唔開心，客人收到訊息，主動要多一兩個，老闆話多數多謝。

　　在財爺撤辣之前，有很多人話撤辣冇效，不但樓價仍然會下跌10%，成交量亦不會增加，而事實上撤辣是大衆市民要求，如果沒有顯著效果，證明樓價下跌是市場上沒有足夠購買力，而非辣招所導致，所以，無論新樓或者手樓熱賣，才可以證明撤辣是有效，在撤辣之後8日，新樓賣了955個單位，只有138個是第一次發售，其他都是貨尾單位，有咁嘅成績，才可以講對得住政府撤辣。