茶餐廳手記（#220）現代版的以物易物

　　今早去到茶餐廳，有客人話日本應該在8月底排放核污水，日本總領事話全世界有超過100個國家支持日本排放，例如歐盟本來禁止日本福島附近的農作物以及海產入口，現在亦取消禁令，至於仍然維持禁令的國家或者地區只有20幾個，當中包括中國、香港、澳門等，既然連歐盟都解除禁令，中國、香港、澳門等亦應該解除。

　　老闆話日本冇講真實情況，日本與歐盟做緊一個以物易物交易，歐盟解除禁令，日本則容許歐盟牛肉進口日本，不過，日本做的可能是一舉蝕本生意，歐盟牛肉進口日本，一定會令養日本牛的畜戶損失慘重，但即使可以換來福島食物可以去歐盟，但歐洲人敢唔敢食是另外一個問題，倘若福島產品出現異變，歐盟再次禁止，這直接宣布日本死亡，真的唔明白日本點解要排放核污水，直接將自己生殺大權交俾歐美。